ଆତ୍ମାହୁତି ପାଇଁ ଆସିଥିବା ଶିକ୍ଷୟିତ୍ରୀଙ୍କୁ ପ୍ରତିଶୃତି ଦେଲେ ପୁରୀ ଅତିରିକ୍ତ ଏସପି

ପୁରୀ ଏସପିଙ୍କ କାର୍ଯ୍ୟାଳୟ ସମ୍ମୁଖରେ ଶିକ୍ଷୟିତ୍ରୀ ଆତ୍ମାହୁତି ପାଇଁ ଆସିଥିଲେ ହେଁ ଏସପିଙ୍କ ସହ ଆଲୋଚନା ପରେ ଆସନ୍ତାକାଲି ଅତିରିକ୍ତ ଏସପି ତଦନ୍ତ ପାଇଁ ପ୍ରତିଶୃତି ଦେଇଛନ୍ତି । ୨୦୦୬ ମସିହାରୁ ନିମାପଡା ଦହିଜଙ୍ଗ ଉଚ୍ଚ ଇଂରାଜୀ ବିଦ୍ୟାଳୟରେ କ୍ରୀଡା ଶିକ୍ଷୟିତ୍ରୀ ଭାବେ କାର୍ଯ୍ୟ କରୁଥିବା ସସ୍ମିତା ସେନାପତିଙ୍କୁ ସେହି ସ୍କୁଲର ପ୍ରଧାନଶିକ୍ଷକ ଲିଙ୍ଗରାଜ ଖଟୋଇ ମନ୍ଦ ଉଦ୍ଦେଶ୍ୟ ରଖି ଅସଦାଚରଣ କରିବା ସହ ତାଙ୍କୁ ଜୀବନରେ ମାରିଦେବାକୁ ଗତମାସ ୧୪ ତାରିଖରେ ଥାନାରେ ଅଭିଯୋଗ ହୋଇଥିଲା । ପୋଲିସ ମାମଲା ରୁଜୁ କରି ସଙ୍ଗୀନ ଦଫା ଲଗାଇଥିଲେ ହେଁ ଅଭିଯୁକ୍ତ ପ୍ରଧାନଶିକ୍ଷକକୁ ଗିରଫ ନକରିବାରୁ ସସ୍ମିତା ଏସପି, କୋର୍ଟ, ଜିଲ୍ଲା ଶିକ୍ଷା ଅଧିକାରୀ ଓ ରାଜ୍ୟ ମାନବାଧିକାର କମିଶନରଙ୍କ ନିକଟରେ ଅଭିଯୋଗ କରିଥିଲେ । ଏସବୁ ସତ୍ତ୍ୱେ ଅଭିଯୁକ୍ତଙ୍କୁ ଗିରଫ କରାଯାଇନାହିଁ । ସ୍କୁଲକୁ ସସ୍ମିତା ଗଲେ ତାଙ୍କୁ କର୍ମଚାରୀ ଉପସ୍ଥାନ ଖାତାରେ ଦସ୍ତଖତ କରିବାକୁ ଦେଉନାହାନ୍ତି । ଫଳରେ ମାନସିକ ଭାରସାମ୍ୟ ହରାଇ ସେ ଆଜି ଏସପିଙ୍କ କାର୍ଯ୍ୟାଳୟ ସମ୍ମୁଖରେ ଆତ୍ମାହୁତି ଦେବା ପାଇଁ ଆସିଥିଲେ । କିନ୍ତୁ ପରେ ଏସପିଙ୍କ ସହ ଆଲୋଚନା ପରେ ଆସନ୍ତାକାଲି ଅତିରିକ୍ତ ଏସପି ସ୍କୁଲ ଓ ଗାଁକୁ ଯାଇ ଘଟଣାର ତଦନ୍ତ କରିବାକୁ ଏସପି ପ୍ରତିଶୃତି ଦେଇଛନ୍ତି ।

Leave a Reply

Your email address will not be published. Required fields are marked *